حسن نکھرا اس قدر کہ عشق فرمانے لگے

حسن نکھرا اس قدر کہ عشق فرمانے لگے

مجھ کو کیا معلوم تھا آفت کو اپنانے لگے

راز چاہت ان کی جانب سے کھلے کچھ اس طرح

پاس ان کے جب بھی پہنچا دور وہ جانے لگے

میکدہ کیا چیز ہے یہ خواب میں دیکھا نہیں

جانے دل پر کیا بنی اس در پہ بھی جانے لگے

اپنے گیسو اس طرح بکھرا دئے ہیں آپ نے

رقص میں آئے سبھی طاؤس اور گانے لگے

زندگی اک نام ہے زندہ دلی کے واسطے

زندگی کا راز جب پوچھا تو سمجھانے لگے

لاکھ تدبیریں حسنؔ نے کی بھلانے کی انہیں

بھولنا تو غیر ممکن تھا وہ یاد آنے لگے