husn nikhra is qadar ki ishq farmane lage

husn nikhrā is qadar ki 'ishq farmāne lage

mujh ko kyā mā'lūm thā aafat ko apnāne lage

raaz chāhat un kī jānib se khule kuchh is tarah

paas un ke jab bhī pahuñchā duur vo jaane lage

mai-kada kyā chiiz hai ye ḳhvāb meñ dekhā nahīñ

jaane dil par kyā banī us dar pe bhī jaane lage

apne gesū is tarah bikhrā diye haiñ aap ne

raqs meñ aa.e sabhī tā.ūs aur gaane lage

zindagī ik naam hai zinda-dilī ke vāste

zindagī kā raaz jab pūchhā to samjhāne lage

laakh tadbīreñ 'hasan' ne kī bhulāne kī unheñ

bhūlnā to ġhair-mumkin thā vo yaad aane lage

husn nikhra is qadar ki 'ishq farmane lage

mujh ko kya ma'lum tha aafat ko apnane lage

raaz chahat un ki jaanib se khule kuchh is tarah

pas un ke jab bhi pahuncha dur wo jaane lage

mai-kada kya chiz hai ye KHwab mein dekha nahin

jaane dil par kya bani us dar pe bhi jaane lage

apne gesu is tarah bikhra diye hain aap ne

raqs mein aae sabhi taus aur gane lage

zindagi ek nam hai zinda-dili ke waste

zindagi ka raaz jab puchha to samjhane lage

lakh tadbiren 'hasan' ne ki bhulane ki unhen

bhulna to ghair-mumkin tha wo yaad aane lage