husn-o-ulfat ki kahani kya hai
husn-o-ulfat kī kahānī kyā hai
kyā batā.eñ ki javānī kyā hai
terī zulfoñ se mahaktā hai jahāñ
mushk kyā raat kī raanī kyā hai
chand ilzām junūñ ke varna
aur do din kī javānī kyā hai
tere dāman kā bharam rakhte haiñ
ashk kyā chiiz hai paanī kyā hai
tere hoñToñ se huā dil sairāb
pyaas kyā tishna-dahānī kyā hai
jumbish-e-lab ko tarastā hai 'ayāz'
pūchhte kyā ho kahānī kyā hai
husn-o-ulfat ki kahani kya hai
kya bataen ki jawani kya hai
teri zulfon se mahakta hai jahan
mushk kya raat ki rani kya hai
chand ilzam junun ke warna
aur do din ki jawani kya hai
tere daman ka bharam rakhte hain
ashk kya chiz hai pani kya hai
tere honTon se hua dil sairab
pyas kya tishna-dahani kya hai
jumbish-e-lab ko tarasta hai 'ayaz'
puchhte kya ho kahani kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
