husul-e-azmat-e-mazi ka KHwab rakhte hain

husūl-e-azmat-e-māzī kā ḳhvāb rakhte haiñ

kahāñ ham aaj bhī apnā javāb rakhte haiñ

jo haq azīz-o-aqārib kā daab rakhte haiñ

vahī zamīñ pe binā-e-azāb rakhte haiñ

laveñ tum apne charāġhoñ kī apne paas rakho

ham apne saath ka.ī āftāb rakhte haiñ

mere karīm tirī rahmatoñ ke sadqe meñ

gunāhgār umīd-e-savāb rakhte haiñ

ḳhayāl pursish-e-āmāl kā nahīñ hai unheñ

jo zer-dastoñ ko zer-e-itāb rakhte haiñ

ḳhayāl-e-yār ġham-e-rozgār fikr-e-ma.āsh

ham ek jaan ko kitne azaab rakhte haiñ

kab un ke sāmne kaam aa.ī apnī laffāzī

vo har savāl ke sau sau javāb rakhte haiñ

husul-e-azmat-e-mazi ka KHwab rakhte hain

kahan hum aaj bhi apna jawab rakhte hain

jo haq aziz-o-aqarib ka dab rakhte hain

wahi zamin pe bina-e-azab rakhte hain

lawen tum apne charaghon ki apne pas rakho

hum apne sath kai aaftab rakhte hain

mere karim teri rahmaton ke sadqe mein

gunahgar umid-e-sawab rakhte hain

KHayal pursish-e-amal ka nahin hai unhen

jo zer-daston ko zer-e-itab rakhte hain

KHayal-e-yar gham-e-rozgar fikr-e-maash

hum ek jaan ko kitne azab rakhte hain

kab un ke samne kaam aai apni laffazi

wo har sawal ke sau sau jawab rakhte hain