hu ka aalam hai yahan nala-garon ke hote
hū kā aalam hai yahāñ nāla-garoñ ke hote
shahr ḳhāmosh hai shorīda-saroñ ke hote
kyuuñ shikasta hai tirā rañg matā-e-sad-rañg
aur phir apne hī ḳhūnīñ-jigroñ ke hote
kār-e-faryād-o-fuġhāñ kis liye mauqūf huā
tere kūche meñ tire bā-hunroñ ke hote
kyā divānoñ ne tire kuuch hai bastī se kyā
varna sunsān hoñ rāheñ nigharoñ ke hote
juz sazā aur ho shāyad koī maqsūd un kā
jā ke zindāñ meñ jo rahte haiñ gharoñ ke hote
shahr kā kaam huā fart-e-hifāzat se tamām
aur chhalnī hue siine siparoñ ke hote
apne saudā-zadagāñ se ye kahā hai us ne
chal ke ab aa.iyo pairoñ pe saroñ ke hote
ab jo rishtoñ meñ bañdhā huuñ to khulā hai mujh par
kab parind uḌ nahīñ paate haiñ paroñ ke hote
hu ka aalam hai yahan nala-garon ke hote
shahr KHamosh hai shorida-saron ke hote
kyun shikasta hai tera rang mata-e-sad-rang
aur phir apne hi KHunin-jigron ke hote
kar-e-faryaad-o-fughan kis liye mauquf hua
tere kuche mein tere ba-hunron ke hote
kya diwanon ne tere kuch hai basti se kya
warna sunsan hon rahen nigharon ke hote
juz saza aur ho shayad koi maqsud un ka
ja ke zindan mein jo rahte hain gharon ke hote
shahr ka kaam hua fart-e-hifazat se tamam
aur chhalni hue sine siparon ke hote
apne sauda-zadagan se ye kaha hai us ne
chal ke ab aaiyo pairon pe saron ke hote
ab jo rishton mein bandha hun to khula hai mujh par
kab parind uD nahin pate hain paron ke hote
- Book : shayad (Pg. 229)
- Author : Jaun Ailiya
- Publication : Kitabi Duniya, Turkman Gate, Delhi (2008)
- Edition : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
