hun musht-e-KHak magar kuza-gar ka main bhi hun

huuñ musht-e-ḳhāk magar kūza-gar kā maiñ bhī huuñ

so muntazir usī lams-e-hunar kā maiñ bhī huuñ

kabhī havā-e-sar-e-shāḳh-sār idhar bhī dekh

ki barg-e-zard huuñ lekin shajar kā maiñ bhī huuñ

ye tez raushniyoñ kā dayār hai varna

charāġh to kisī tārīk ghar kā maiñ bhī huuñ

tumhāre zaḳhmoñ se merā bhī ek rishta hai

lahū nahīñ huuñ magar chashm-e-tar kā maiñ bhī huuñ

mujhe khiñchī huī talvār sauñpne vaale

maiñ kyā karūñ ki taraf-dār sar kā maiñ bhī huuñ

ab aa ga.ī hai sahar apnā ghar sañbhālne ko

chalūñ ki jaagā huā rāt-bhar kā maiñ bhī huuñ

hun musht-e-KHak magar kuza-gar ka main bhi hun

so muntazir usi lams-e-hunar ka main bhi hun

kabhi hawa-e-sar-e-shaKH-sar idhar bhi dekh

ki barg-e-zard hun lekin shajar ka main bhi hun

ye tez raushniyon ka dayar hai warna

charagh to kisi tarik ghar ka main bhi hun

tumhaare zaKHmon se mera bhi ek rishta hai

lahu nahin hun magar chashm-e-tar ka main bhi hun

mujhe khinchi hui talwar saunpne wale

main kya karun ki taraf-dar sar ka main bhi hun

ab aa gai hai sahar apna ghar sanbhaalne ko

chalun ki jaga hua raat-bhar ka main bhi hun