hun shamil sab mein aur sab se juda hun

huuñ shāmil sab meñ aur sab se judā huuñ

maiñ ḳhud ye sochtā rahtā huuñ kyā huuñ

hisār-e-zāt se bāhar nikal kar

maiñ har sūrat meñ tujh ko DhūñDhtā huuñ

vo mujh se duur bhī hai paas bhī hai

kabhī maiñ apne dil meñ dekhtā huuñ

maiñ ḳhud kuchh bhī nahīñ huuñ ye bhī sach hai

navā vo hai magar maiñ ham-navā huuñ

kabhī maiñ apne aalam meñ nahīñ huuñ

kabhī raazī kabhī ḳhud se ḳhafā huuñ

mujhe kab tak is aalam meñ rakhegā

tirī kyā maslahat hai sochtā huuñ

tamāshā-gāh-e-hastī kī na pūchho

maiñ ḳhud hī ibtidā ḳhud intihā huuñ

mujhe jalvat meñ kyā kyā dekhnā hai

abhī ḳhalvat meñ masrūf-e-duā huuñ

'razā' ik banda-e-ājiz huuñ maiñ to

vahī likhtā huuñ jo kuchh dekhtā huuñ

hun shamil sab mein aur sab se juda hun

main KHud ye sochta rahta hun kya hun

hisar-e-zat se bahar nikal kar

main har surat mein tujh ko DhunDhta hun

wo mujh se dur bhi hai pas bhi hai

kabhi main apne dil mein dekhta hun

main KHud kuchh bhi nahin hun ye bhi sach hai

nawa wo hai magar main ham-nawa hun

kabhi main apne aalam mein nahin hun

kabhi raazi kabhi KHud se KHafa hun

mujhe kab tak is aalam mein rakhega

teri kya maslahat hai sochta hun

tamasha-gah-e-hasti ki na puchho

main KHud hi ibtida KHud intiha hun

mujhe jalwat mein kya kya dekhna hai

abhi KHalwat mein masruf-e-dua hun

'raza' ek banda-e-ajiz hun main to

wahi likhta hun jo kuchh dekhta hun