hur-o-qusur se na bahisht-e-barin se hai

hūr-o-qusūr se na bahisht-e-barīñ se hai

nāzāñ huuñ maiñ ki merā ta.alluq zamīñ se hai

vaqf-e-faroġh-e-rañg-nazar aur dil ba-zid

pairāhan-e-hayāt darīda kahīñ se hai

sajdoñ kī zau nahīñ hai to zaḳhmoñ ke phuul haiñ

baaqī koī to sañg kā rishta jabīñ se hai

kyā zikr-e-be-ruḳhī ki ye sheva hai husn kā

shikva mujhe tirī nigah-e-avvalīñ se hai

maiñ terā bāñkpan huuñ mujhe haath se na kho

añgushtarī kī zīnat-o-qīmat nagīñ se hai

dhuul uḌ rahī hai dīda-e-ḳhūñ-nāba-bār meñ

qaa.em ab ashk-e-ġham kā bharam āstīñ se hai

ham bhāgte phireñ ye muravvat se hai ba.iid

jab gardish jahāñ ko aqīdat hamīñ se hai

āshob-e-rozgār ne ye haal kar dayā

bāteñ kahīñ kī haiñ to havāla kahīñ se hai

'ḳhāvar' kisī bhī rishte ko hāsil nahīñ sabāt

juz rishta-e-vafā jo dam-e-vāpsīñ se hai

hur-o-qusur se na bahisht-e-barin se hai

nazan hun main ki mera talluq zamin se hai

waqf-e-farogh-e-rang-nazar aur dil ba-zid

pairahan-e-hayat darida kahin se hai

sajdon ki zau nahin hai to zaKHmon ke phul hain

baqi koi to sang ka rishta jabin se hai

kya zikr-e-be-ruKHi ki ye shewa hai husn ka

shikwa mujhe teri nigah-e-awwalin se hai

main tera bankpan hun mujhe hath se na kho

angushtari ki zinat-o-qimat nagin se hai

dhul uD rahi hai dida-e-KHun-naba-bar mein

qaem ab ashk-e-gham ka bharam aastin se hai

hum bhagte phiren ye murawwat se hai baid

jab gardish jahan ko aqidat hamin se hai

aashob-e-rozgar ne ye haal kar daya

baaten kahin ki hain to hawala kahin se hai

'KHawar' kisi bhi rishte ko hasil nahin sabaat

juz rishta-e-wafa jo dam-e-wapsin se hai