idhar dekhte hain udhar dekhte hain

idhar dekhte haiñ udhar dekhte haiñ

hamesha tirī rahguzar dekhte haiñ

safar hī nahīñ ḳhatm hotā hamārā

musībat maiñ ham apnā ghar dekhte haiñ

agarche hamārā natīja na niklā

magar fail hone kā Dar dekhte haiñ

barastā rahā raat bhar ghar meñ paanī

ḳhudā terī rahmat kā dar dekhte haiñ

hañsī mujh ko aatī hai terī hañsī par

uḳhuvvat ko zer-o-zabar dekhte haiñ

tumhārī mohabbat jo hāsil huī hai

duāoñ kā is meñ asar dekhte haiñ

samundar kī lahreñ sunātī haiñ 'ahmad'

tah-e-āb la.al-o-guhar dekhte haiñ

idhar dekhte hain udhar dekhte hain

hamesha teri rahguzar dekhte hain

safar hi nahin KHatm hota hamara

musibat main hum apna ghar dekhte hain

agarche hamara natija na nikla

magar fail hone ka Dar dekhte hain

barasta raha raat bhar ghar mein pani

KHuda teri rahmat ka dar dekhte hain

hansi mujh ko aati hai teri hansi par

uKHuwwat ko zer-o-zabar dekhte hain

tumhaari mohabbat jo hasil hui hai

duaon ka is mein asar dekhte hain

samundar ki lahren sunati hain 'ahmad'

tah-e-ab lal-o-guhar dekhte hain