idhar mahsus hoti hai kami uski
idhar mahsūs hotī hai kamī us kī
udhar maiñ bhuul jaatā huuñ galī us kī
maiñ dariyā ho bhī jā.ūñgā to kyā hogā
mujhe ma.alūm hai jab tishnagī us kī
vo jis kī rāt-din tasbīh karte haiñ
kabhī dekhī nahīñ tasvīr bhī us kī
jahāñ jaa.e hameñ bhī saath le jaa.e
kahīñ be-ghar na kar de be-gharī us kī
vo aksar ḳhālī ghar meñ aatā jaatā hai
ki jaise chiiz koī rah ga.ī us kī
guzarte vaqt kī jab baat kartā hai
hamesha band hotī hai ghaḌī us kī
idhar mahsus hoti hai kami us ki
udhar main bhul jata hun gali us ki
main dariya ho bhi jaunga to kya hoga
mujhe malum hai jab tishnagi us ki
wo jis ki raat-din tasbih karte hain
kabhi dekhi nahin taswir bhi us ki
jahan jae hamein bhi sath le jae
kahin be-ghar na kar de be-ghari us ki
wo aksar KHali ghar mein aata jata hai
ki jaise chiz koi rah gai us ki
guzarte waqt ki jab baat karta hai
hamesha band hoti hai ghaDi us ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
