idhar udhar ke hawalon se mat Darao mujhe
idhar udhar ke havāloñ se mat Darāo mujhe
saḌak pe aao samundar meñ āzmāo mujhe
mirā vajūd agar rāste meñ haa.il hai
tum apnī raah nikālo phalāñg jaao mujhe
sivā.e mere nahīñ koī jārehāna qadam
maiñ ik haqīr piyāda sahī baḌhāo mujhe
isī meñ merī tumhārī najāt muzmar hai
ki maiñ banā.ūñ tumheñ aur tum miTāo mujhe
guzarne vaalā har ik lamha merā qātil hai
ḳhudā ke vāste maaro ise bachāo mujhe
jamī huī haiñ mirī laash par nigāheñ kyuuñ
maiñ koī āḳhirī ḳhvāhish nahīñ dabāo mujhe
ḳhushī manāte ho kahte ho mujh ko iid 'nishāt'
magar maiñ ḳhuun kī holī bhī huuñ jalāo mujhe
idhar udhar ke hawalon se mat Darao mujhe
saDak pe aao samundar mein aazmao mujhe
mera wajud agar raste mein hail hai
tum apni rah nikalo phalang jao mujhe
siwae mere nahin koi jarehana qadam
main ek haqir piyaada sahi baDhao mujhe
isi mein meri tumhaari najat muzmar hai
ki main banaun tumhein aur tum miTao mujhe
guzarne wala har ek lamha mera qatil hai
KHuda ke waste maro ise bachao mujhe
jami hui hain meri lash par nigahen kyun
main koi aaKHiri KHwahish nahin dabao mujhe
KHushi manate ho kahte ho mujh ko id 'nishat'
magar main KHun ki holi bhi hun jalao mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
