ادھر اگا رہا ہوں میں مچل مچل کے پھول

ادھر اگا رہا ہوں میں مچل مچل کے پھول

ادھر وہ توڑ رہا ہے اچھل اچھل کے پھول

پرانا عشق نئے عشق میں تلاشتے ہو

نہیں ملے گی وہ خوشبو تمہیں بدل کے پھول

تمہارے بالوں میں سج کر یہ مرجھا ہی جائیں

بہت ہی خوش ہیں یہ گلدان سے نکل کے پھول

جگہ جگہ پہ ملیں گے یہ توڑنے والے

کھلو کھلو دعا ہے پر کھلو سنبھل کے پھول

میں پھول ہاتھوں میں پکڑے یہ سوچتا ہوں کہ وہ

کرے قبول بھلے پیروں سے کچل کے پھول

کسی بھی رشتے کا دیکھا ہے کس نے مستقبل

بنیں گے دل کے لیے کانٹے آگے چل کے پھول