ek aas to hai koi sahaara nahin to kya

ik aas to hai koī sahārā nahīñ to kyā

raste meñ kuchh shajar to haiñ saaya nahīñ to kyā

rahtā hai koī shaḳhs mire dil ke aas paas

maiñ ne use qarīb se dekhā nahīñ to kyā

tū hī batā ki chāheñ tujhe aur kis tarah

ye terī justujū ye tamannā nahīñ to kyā

ham duur duur rah ke bhī chalte rahe haiñ saath

ham ne qadam qadam se milāyā nahīñ to kyā

reg-e-ravāñ kī tarah haiñ saare ta.alluqāt

tum ne kisī kā saath nibhāyā nahīñ to kyā

vaise hameñ to pyaas meñ dariyā kī thī talāsh

ab ye sarāb hī sahī dariyā nahīñ to kyā

sochā bhī tum ne dasht chaman kaise ban gayā

mehnat kā ye araq ye pasīnā nahīñ to kyā

'mohsin' mirī nigāh ko achchhā lagā vahī

duniyā kī vo nazar meñ jo achchhā nahīñ to kyā

ek aas to hai koi sahaara nahin to kya

raste mein kuchh shajar to hain saya nahin to kya

rahta hai koi shaKHs mere dil ke aas pas

main ne use qarib se dekha nahin to kya

tu hi bata ki chahen tujhe aur kis tarah

ye teri justuju ye tamanna nahin to kya

hum dur dur rah ke bhi chalte rahe hain sath

hum ne qadam qadam se milaya nahin to kya

reg-e-rawan ki tarah hain sare talluqat

tum ne kisi ka sath nibhaya nahin to kya

waise hamein to pyas mein dariya ki thi talash

ab ye sarab hi sahi dariya nahin to kya

socha bhi tum ne dasht chaman kaise ban gaya

mehnat ka ye araq ye pasina nahin to kya

'mohsin' meri nigah ko achchha laga wahi

duniya ki wo nazar mein jo achchha nahin to kya