ek ahl-e-ilm se ek nukta-war se nikla tha

ik ahl-e-ilm se ik nukta-var se niklā thā

vo aib thā jo mata-e-hunar se niklā thā

tamām umr vo phir lauT kar nahīñ aayā

na jaane kaun sī saa.at meñ ghar se niklā thā

samajh rahe haiñ sabhī āsmān ko manzil

ye silsila mire zauq-e-safar se niklā thā

vahī to de gayā dīvār-o-dar ko vīrānī

jo sabza kal inhīñ dīvār-o-dar se niklā thā

banā diyā unhīñ lafzoñ ne jism ko sūraj

jo harf harf zabān-e-'sharar' se niklā thā

ek ahl-e-ilm se ek nukta-war se nikla tha

wo aib tha jo mata-e-hunar se nikla tha

tamam umr wo phir lauT kar nahin aaya

na jaane kaun si saat mein ghar se nikla tha

samajh rahe hain sabhi aasman ko manzil

ye silsila mere zauq-e-safar se nikla tha

wahi to de gaya diwar-o-dar ko virani

jo sabza kal inhin diwar-o-dar se nikla tha

bana diya unhin lafzon ne jism ko suraj

jo harf harf zaban-e-'sharar' se nikla tha