ek aisa moD sar-e-rahguzar bhi aaega

ik aisā moḌ sar-e-rahguzar bhī aa.egā

vufūr-e-ḳhauf meñ lutf-e-safar bhī aa.egā

ye us kā shahr hai us kī mahak batātī hai

zarā talāsh karo us kā ghar bhī aa.egā

isī yaqīn pe har zulm sahte rahte haiñ

ki shāḳh-e-sabr pe ik din samar bhī aa.egā

qarīb-e-manzil-e-jānāñ surūr-e-dil ke saath

junūñ kī fitna-tarāzī se Dar bhī aa.egā

khule raheñge darīche is aas par ghar ke

kabhī to jhoñkā havā kā idhar bhī aa.egā

chhupā.e phirne se kab ishq-o-mushk chhupte haiñ

chaḌhegā chāñd to sab ko nazar bhī aa.egā

ab us ke band kivāḌoñ ke paas baiTh raheñ

jo shaḳhs ghar se gayā hai vo ghar bhī aa.egā

sarishk-e-ḳhūñ kī tarah lafz aañkh se Tapkeñ

to phir du'ā meñ 'munavār' asar bhī aa.egā

ek aisa moD sar-e-rahguzar bhi aaega

wufur-e-KHauf mein lutf-e-safar bhi aaega

ye us ka shahr hai us ki mahak batati hai

zara talash karo us ka ghar bhi aaega

isi yaqin pe har zulm sahte rahte hain

ki shaKH-e-sabr pe ek din samar bhi aaega

qarib-e-manzil-e-jaanan surur-e-dil ke sath

junun ki fitna-taraazi se Dar bhi aaega

khule rahenge dariche is aas par ghar ke

kabhi to jhonka hawa ka idhar bhi aaega

chhupae phirne se kab ishq-o-mushk chhupte hain

chaDhega chand to sab ko nazar bhi aaega

ab us ke band kiwaDon ke pas baiTh rahen

jo shaKHs ghar se gaya hai wo ghar bhi aaega

sarishk-e-KHun ki tarah lafz aankh se Tapken

to phir du'a mein 'munawar' asar bhi aaega