ek aisi anokhi zaban jaanta hun

ik aisī anokhī zabāñ jāntā huuñ

ki har zaḳhm kī dāstāñ jāntā huuñ

nahīñ koī shai darmiyāñ jāntā huuñ

faqat maiñ zamīñ āsmāñ jāntā huuñ

yuuñ hī baat hotī nahīñ hai ġhazal se

ishāroñ kī tarz-e-bayāñ jāntā huuñ

bahāroñ kā zāmin jo sab ke liye hai

usī ko maiñ daur-e-ḳhizāñ jāntā huuñ

kareñge na phūloñ kī bārish kabhī vo

ki jin ko maiñ tīr-o-kamāñ jāntā huuñ

mirā azm saare zamāne se a.alā

kise hai ye vahm-o-gumāñ jāntā huuñ

ek aisi anokhi zaban jaanta hun

ki har zaKHm ki dastan jaanta hun

nahin koi shai darmiyan jaanta hun

faqat main zamin aasman jaanta hun

yun hi baat hoti nahin hai ghazal se

ishaaron ki tarz-e-bayan jaanta hun

bahaaron ka zamin jo sab ke liye hai

usi ko main daur-e-KHizan jaanta hun

karenge na phulon ki barish kabhi wo

ki jin ko main tir-o-kaman jaanta hun

mera azm sare zamane se aala

kise hai ye wahm-o-guman jaanta hun