ek baada-e-simabi barsa mah-o-aKHtar se

ik bāda-e-sīmābī barsā mah-o-aḳhtar se

nikle jo taḌap kar vo chāk-e-dil-e-muztar se

ik ishrat-e-lā-fānī ik dard-e-baqā-parvar

mīzān-e-do-ālam meñ ham tum haiñ barābar se

khultā hai ba-āsānī kab uqda-e-majbūrī

aise meñ to kaam ai dil le nāḳhun-e-ḳhanjar se

ik sa.ī-e-nazāra phir ai chashm-e-tamāshā.ī

shāyad na naqāb uTThe phir is ruḳh-e-anvar se

aao ġham-e-pursish kyā maiñ shikve se baaz aaya

tum chaar qadam pīchhe kyoñ ho saf-e-mehshar se

ik marg-e-dil-o-jāñ thī manzil kī tan-āsānī

rahzan se ziyāda hai shikva mujhe rahbar se

ai 'faiz' taqāzā-e-tahzīb-e-nazariya hai

dekh us but-e-kāfir ko chashm-e-mah-o-aḳhtar se

ek baada-e-simabi barsa mah-o-aKHtar se

nikle jo taDap kar wo chaak-e-dil-e-muztar se

ek ishrat-e-la-fani ek dard-e-baqa-parwar

mizan-e-do-alam mein hum tum hain barabar se

khulta hai ba-asani kab uqda-e-majburi

aise mein to kaam ai dil le naKHun-e-KHanjar se

ek sai-e-nazara phir ai chashm-e-tamashai

shayad na naqab uTThe phir is ruKH-e-anwar se

aao gham-e-pursish kya main shikwe se baz aaya

tum chaar qadam pichhe kyon ho saf-e-mehshar se

ek marg-e-dil-o-jaan thi manzil ki tan-asani

rahzan se ziyaada hai shikwa mujhe rahbar se

ai 'faiz' taqaza-e-tahzib-e-nazariya hai

dekh us but-e-kafir ko chashm-e-mah-o-aKHtar se