اک باغبان بلبل گل زار بیچ کر

اک باغبان بلبل گل زار بیچ کر

خطرے میں پڑ گیا ہے طرف دار بیچ کر

ممکن ہے کچھ بھی دوستوں بازار عشق میں

دیکھیں گے خود کو ہم یہاں اک بار بیچ کر

باتوں میں اس کی پھر کوئی تاثیر کیسے ہو

جو دے رہا ہے مشورہ کردار بیچ کر

ہارا نہیں وہ شخص محبت کی جنگ میں

جس نے لڑی ہے جنگ یہ تلوار بیچ کر

کیسے سکوں ملے نہ ہمیں بزم غیر میں

بیٹھے ہیں ہم یہاں دل افگار بیچ کر

اوقات اس کی کچھ نہیں میری نگاہ میں

بیٹھا ہے جو عروج پہ معیار بیچ کر