ek baDi jang laD raha hun

ik baḌī jañg laḌ rahā huuñ maiñ

hañs ke tujh se bichhaḌ rahā huuñ maiñ

jaise tum ne to kuchh kiyā hī nahīñ

saare fitne kī jaḌ rahā huuñ maiñ

ek tere liye rafīq-e-dil

ik jahāñ se jhagaḌ rahā huuñ maiñ

zindagānī mirī sañvar jaatī

gar samajhtā, bigaḌ rahā huuñ maiñ

kis kī ḳhātir ġhazal kī chādar par

gauhar-e-fikr juḌ rahā huuñ maiñ

koī chashma kabhī to phūTegā

apnī eḌī ragaḌ rahā huuñ maiñ

āp-apnā harīf huuñ 'rāġhib'

āp-apne se laḌ rahā huuñ maiñ

ek baDi jang laD raha hun main

hans ke tujh se bichhaD raha hun main

jaise tum ne to kuchh kiya hi nahin

sare fitne ki jaD raha hun main

ek tere liye rafiq-e-dil

ek jahan se jhagaD raha hun main

zindagani meri sanwar jati

gar samajhta, bigaD raha hun main

kis ki KHatir ghazal ki chadar par

gauhar-e-fikr juD raha hun main

koi chashma kabhi to phuTega

apni eDi ragaD raha hun main

aap-apna harif hun 'raghib'

aap-apne se laD raha hun main