ek be-nishan harf-e-sada ki taraf na dekh

ik be-nishān harf-e-sadā kī taraf na dekh

vo duur jā chukā hai havā kī taraf na dekh

ābād kar le dīda-o-dil meñ sanam-kade

kahtā hai vo ki ek ḳhudā kī taraf na dekh

apnī hī āfiyat kī tag-o-dau meñ mahv rah

is sar-zamīn-e-āh-o-bukā kī taraf na dekh

apne ufuq kī tañg fazā se hī kaam rakh

maidān-e-hashr dasht-e-balā kī taraf na dekh

kar le na apne shahr-e-tilismāt kā asiir

us kī nigāh-e-hosh-rubā kī taraf na dekh

rakh ḳhāk-e-dil pe apne qadam ehtiyāt se

mauj-e-havā-e-samt-numā kī taraf na dekh

ek be-nishan harf-e-sada ki taraf na dekh

wo dur ja chuka hai hawa ki taraf na dekh

aabaad kar le dida-o-dil mein sanam-kade

kahta hai wo ki ek KHuda ki taraf na dekh

apni hi aafiyat ki tag-o-dau mein mahw rah

is sar-zamin-e-ah-o-buka ki taraf na dekh

apne ufuq ki tang faza se hi kaam rakh

maidan-e-hashr dasht-e-bala ki taraf na dekh

kar le na apne shahr-e-tilismat ka asir

us ki nigah-e-hosh-ruba ki taraf na dekh

rakh KHak-e-dil pe apne qadam ehtiyat se

mauj-e-hawa-e-samt-numa ki taraf na dekh