ek be-sabaat aks bana be-nishan gaya

ik be-sabāt aks banā be-nishāñ gayā

maiñ ganj-e-be-bahā thā magar rā.egāñ gayā

bhaTkā maiñ apnī zaat kī vus.at meñ sū-ba-sū

maiñ apnī justujū meñ karāñ tā karāñ gayā

tahrīr ik aur tair ke tahlīl ho ga.ī

ik aur naqsh-e-lauh-e-zamān-o-makāñ gayā

qaa.em hue diloñ ke abad-mauj rābte

ik jumbish-e-nazar meñ ġham-e-do-jahāñ gayā

kyā kyā chhupe na sabz ridāoñ meñ regzār

kyā kyā na lutf-e-saḳhtī-e-dasht-tapāñ gayā

jaadū kā thā dayār koī yā tilism-e-vahm

ye dam-zadan meñ shahr kā manzar kahāñ gayā

dar kyā khule bashīr ḳhalā-e-basīt ke

dil se hazār vasvasa-e-āsmāñ gayā

ek be-sabaat aks bana be-nishan gaya

main ganj-e-be-baha tha magar raegan gaya

bhaTka main apni zat ki wusat mein su-ba-su

main apni justuju mein karan ta karan gaya

tahrir ek aur tair ke tahlil ho gai

ek aur naqsh-e-lauh-e-zaman-o-makan gaya

qaem hue dilon ke abad-mauj rabte

ek jumbish-e-nazar mein gham-e-do-jahan gaya

kya kya chhupe na sabz ridaon mein regzar

kya kya na lutf-e-saKHti-e-dasht-tapan gaya

jadu ka tha dayar koi ya tilism-e-wahm

ye dam-zadan mein shahr ka manzar kahan gaya

dar kya khule bashir KHala-e-basit ke

dil se hazar waswasa-e-asman gaya