ek bewafa ko KHugar-e-jaur-o-jafa kiya

ik bevafā ko ḳhūgar-e-jaur-o-jafā kiyā

iz.hār-e-shauq us se kiyā haa.e kyā kiyā

rāh-e-vafā kī saḳhtiyāñ ai ham-nashīñ na pūchh

marmar ke maiñ ne haqq-e-mohabbat adā kiyā

kab tak maiñ sahtā aap kī ye kam-nigāhiyāñ

kī maiñ ne tark-e-ārzū to kyā burā kiyā

pahle sikhā.e nazroñ ko ādāb-e-bandagī

phir un ke pā-e-nāz pe sajda adā kiyā

merī hañsī zamāna uḌātā na thī majāl

vahshat meñ apne haal pe maiñ ḳhud hañsā kiyā

kyā kyā diye haiñ ta.ane ġham-e-dil ne is ghaḌī

bhūle se us ne jab koī va.ada vafā kiyā

'sāhir' bas is qadar hai tabāhī kā mājrā

vo be-ḳhabar bane rahe aur maiñ miTā kiyā

ek bewafa ko KHugar-e-jaur-o-jafa kiya

izhaar-e-shauq us se kiya hae kya kiya

rah-e-wafa ki saKHtiyan ai ham-nashin na puchh

marmar ke main ne haqq-e-mohabbat ada kiya

kab tak main sahta aap ki ye kam-nigahiyan

ki main ne tark-e-arzu to kya bura kiya

pahle sikhae nazron ko aadab-e-bandagi

phir un ke pa-e-naz pe sajda ada kiya

meri hansi zamana uData na thi majal

wahshat mein apne haal pe main KHud hansa kiya

kya kya diye hain tane gham-e-dil ne is ghaDi

bhule se us ne jab koi wada wafa kiya

'sahir' bas is qadar hai tabahi ka majra

wo be-KHabar bane rahe aur main miTa kiya