ek chheD thi jafaon ka teri gila na tha

ik chheḌ thī jafāoñ kā terī gila na thā

tark-e-ta'alluqāt mirā mudda'ā na thā

TuuTā hai apne zo'm-e-vafā kā tilism aaj

mahsūs ho rahā hai ki tū bevafā na thā

zāhid vo shoḳh dushman-e-īmāñ thā vāqa'ī

aur phir mirā mizāj bhī kuchh 'āshiqāna thā

tark-e-rah-e-vafā pe haiñ ham ḳhud bhī munfa.il

par kyā kareñ ki aur koī rāsta na thā

jab se judā hue haiñ tabī'at udaas hai

aur lutf ye ki tum se koī mudda'ā na thā

ek chheD thi jafaon ka teri gila na tha

tark-e-ta'alluqat mera mudda'a na tha

TuTa hai apne zo'm-e-wafa ka tilism aaj

mahsus ho raha hai ki tu bewafa na tha

zahid wo shoKH dushman-e-iman tha waqa'i

aur phir mera mizaj bhi kuchh 'ashiqana tha

tark-e-rah-e-wafa pe hain hum KHud bhi munfail

par kya karen ki aur koi rasta na tha

jab se juda hue hain tabi'at udas hai

aur lutf ye ki tum se koi mudda'a na tha