ek dar pe sar jhuka liya rahen badal gain

ik dar pe sar jhukā liyā rāheñ badal ga.iiñ

jitnī balā.eñ sar pe thiiñ saarī hī Tal ga.iiñ

ik haath ham ne chuum ke āñkhoñ pe kyā rakhā

mausam kī saarī shiddateñ narmī meñ Dhal ga.iiñ

shak kī lagī jo aag to uThne lagā dhuāñ

sab rassiyāñ yaqīn kī lamhoñ meñ jal ga.iiñ

mehnat kī būñd-būñd se kartā rahā thā tar

yuuñ beTiyāñ ġharīb kī sūkhī pe pal ga.iiñ

ab ke milo to haath kī duurī pe hī raho

socheñ hamārī diid se aage nikal ga.iiñ

ek dar pe sar jhuka liya rahen badal gain

jitni balaen sar pe thin sari hi Tal gain

ek hath hum ne chum ke aankhon pe kya rakha

mausam ki sari shiddaten narmi mein Dhal gain

shak ki lagi jo aag to uThne laga dhuan

sab rassiyan yaqin ki lamhon mein jal gain

mehnat ki bund-bund se karta raha tha tar

yun beTiyan gharib ki sukhi pe pal gain

ab ke milo to hath ki duri pe hi raho

sochen hamari did se aage nikal gain