ek Dher rakh mein se sharar chun raha hun main
ek Dher rakh mein se sharar chun raha hun main
Rajinder Manchanda Bani
MORE BYRajinder Manchanda Bani
ik Dher raakh meñ se sharar chun rahā huuñ maiñ
ḳhvāboñ ke darmiyān ḳhabar chun rahā huuñ maiñ
kyā dil-ḳharāsh kaam huā hai mire supurd
ik zard rut ke barg-o-samar chun rahā huuñ maiñ
ik ḳhvāb thā ki TuuT gayā ḳhuuñ ke habs meñ
ab tund dhaḌkanoñ ke bhañvar chun rahā huuñ maiñ
kyā jaane us ke ḳhat meñ dhuāñ kyā hai harf harf
mafhūm chun rahā huuñ asar chun rahā huuñ maiñ
ai ramz-āshnā-e-tajassus idhar bhī dekh
āndhe samundaroñ se guhar chun rahā huuñ maiñ
vo mustaqil ġhubār hai chāroñ taraf ki ab
ghar ke tamām rauzan o dar chun rahā huuñ maiñ
'bānī' nazar kā zāviya badlā hai is tarah
ab har fazā se chīz-e-digar chun rahā huuñ maiñ
ek Dher rakh mein se sharar chun raha hun main
KHwabon ke darmiyan KHabar chun raha hun main
kya dil-KHarash kaam hua hai mere supurd
ek zard rut ke barg-o-samar chun raha hun main
ek KHwab tha ki TuT gaya KHun ke habs mein
ab tund dhaDkanon ke bhanwar chun raha hun main
kya jaane us ke KHat mein dhuan kya hai harf harf
mafhum chun raha hun asar chun raha hun main
ai ramz-ashna-e-tajassus idhar bhi dekh
aandhe samundaron se guhar chun raha hun main
wo mustaqil ghubar hai chaaron taraf ki ab
ghar ke tamam rauzan o dar chun raha hun main
'bani' nazar ka zawiya badla hai is tarah
ab har faza se chiz-e-digar chun raha hun main
- Book : Kulliyat-e-bani (Pg. 180)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
