ek dusre mein Dub ke hum par ho gae

ik dūsre meñ Duub ke ham paar ho ga.e

is baar yuuñ mile haiñ ki sarshār ho ga.e

vaise shurūa meñ hameñ dushvāriyāñ huiiñ

phir us ke ba.ad ham bhī adākār ho ga.e

is jism ko tavajjoh kā fuqdān le gayā

tum ne chhuā nahīñ hai to mismār ho ga.e

kal kā kise patā magar itnā zarūr hai

ham log zehnī taur pe tayyār ho ga.e

dariyā na dūriyoñ kā kabhī paar ho sakā

kashtī meñ paañv rakhte hī bedār ho ga.e

miTTī ke saath zehn ko bhī kuchh numū milī

bārish huī to thoḌe se ash.ār ho ga.e

ek dusre mein Dub ke hum par ho gae

is bar yun mile hain ki sarshaar ho gae

waise shurua mein hamein dushwariyan huin

phir us ke baad hum bhi adakar ho gae

is jism ko tawajjoh ka fuqdan le gaya

tum ne chhua nahin hai to mismar ho gae

kal ka kise pata magar itna zarur hai

hum log zehni taur pe tayyar ho gae

dariya na duriyon ka kabhi par ho saka

kashti mein panw rakhte hi bedar ho gae

miTTi ke sath zehn ko bhi kuchh numu mili

barish hui to thoDe se ashaar ho gae