ek fasana hai KHwab hai duniya

ik fasāna hai ḳhvāb hai duniyā

sar-ba-sar ik sarāb hai duniyā

hādsoñ kā nisāb hai duniyā

zindagī kī kitāb hai duniyā

is ko tashbīh deñ to deñ kis se

ḳhud hī apnā javāb hai duniyā

faisla umr bhar nahīñ hotā

ḳhuub hai yā ḳharāb hai duniyā

hai ye ishrat-kada kisī ke liye

aur kisī ko azaab hai duniyā

chain insān ko nahīñ pal bhar

ālam-e-iztirāb hai duniyā

jis kī hotī nahīñ koī ta.abīr

vo suhānā sā ḳhvāb hai duniyā

is kā jo ġham hai lā-javāb hai 'shāz'

vo ġham-e-be-hisāb hai duniyā

ek fasana hai KHwab hai duniya

sar-ba-sar ek sarab hai duniya

hadson ka nisab hai duniya

zindagi ki kitab hai duniya

is ko tashbih den to den kis se

KHud hi apna jawab hai duniya

faisla umr bhar nahin hota

KHub hai ya KHarab hai duniya

hai ye ishrat-kada kisi ke liye

aur kisi ko azab hai duniya

chain insan ko nahin pal bhar

aalam-e-iztirab hai duniya

jis ki hoti nahin koi tabir

wo suhana sa KHwab hai duniya

is ka jo gham hai la-jawab hai 'shaz'

wo gham-e-be-hisab hai duniya