ek fasl-e-dard aaTh pahar chun raha hun main

ik fasl-e-dard aaTh pahar chun rahā huuñ maiñ

jo kaT rahe haiñ raah meñ sar chun rahā huuñ maiñ

parvāz ke baġhair to jiinā muhāl hai

sayyād ne jo kaaTe haiñ par chun rahā huuñ maiñ

sāthī the kaise kaise mire jo bichhaḌ ga.e

palkoñ se un kī gard-e-safar chun rahā huuñ maiñ

tā.īd ke liye mujhe anjum kī hai talāsh

ik anjuman ke shams-o-qamar chun rahā huuñ maiñ

kaT bhī chukā vo kab kā jo thā mudda.ī-e-fan

ab purza-hā-e-dast-e-hunar chun rahā huuñ maiñ

kyā dil-ḳharāsh kaam huā hai mire sipurd

ik zard-rut ke barg-o-samar chun rahā huuñ meñ

ek fasl-e-dard aaTh pahar chun raha hun main

jo kaT rahe hain rah mein sar chun raha hun main

parwaz ke baghair to jina muhaal hai

sayyaad ne jo kaTe hain par chun raha hun main

sathi the kaise kaise mere jo bichhaD gae

palkon se un ki gard-e-safar chun raha hun main

taid ke liye mujhe anjum ki hai talash

ek anjuman ke shams-o-qamar chun raha hun main

kaT bhi chuka wo kab ka jo tha muddai-e-fan

ab purza-ha-e-dast-e-hunar chun raha hun main

kya dil-KHarash kaam hua hai mere sipurd

ek zard-rut ke barg-o-samar chun raha hun mein