ek gali se KHushbu ki rasm-o-rah kafi hai
ek gali se KHushbu ki rasm-o-rah kafi hai
Ambareen Haseeb ambar
MORE BYAmbareen Haseeb ambar
ik galī se ḳhushbū kī rasm-o-rāh kaafī hai
laakh jabr mausam ho ye panāh kaafī hai
niyyat-e-zuleḳhā kī khoj meñ rahe duniyā
apnī be-gunāhī ko dil gavāh kaafī hai
umr-bhar ke sajdoñ se mil nahīñ sakī jannat
ḳhuld se nikalne ko ik gunāh kaafī hai
āsmāñ pe jā baiThe ye ḳhabar nahīñ tum ko
arsh ke hilāne ko ek gunāh kaafī hai
pairvī se mumkin hai kab rasā.ī manzil tak
naqsh-e-pā miTāne ko gard-e-rāh kaafī hai
chaar din kī hastī meñ hañs ke jī liye 'amabar'
be-nashāt duniyā se ye nibāh kaafī hai
ek gali se KHushbu ki rasm-o-rah kafi hai
lakh jabr mausam ho ye panah kafi hai
niyyat-e-zuleKHa ki khoj mein rahe duniya
apni be-gunahi ko dil gawah kafi hai
umr-bhar ke sajdon se mil nahin saki jannat
KHuld se nikalne ko ek gunah kafi hai
aasman pe ja baiThe ye KHabar nahin tum ko
arsh ke hilane ko ek gunah kafi hai
pairwi se mumkin hai kab rasai manzil tak
naqsh-e-pa miTane ko gard-e-rah kafi hai
chaar din ki hasti mein hans ke ji liye 'amabar'
be-nashat duniya se ye nibah kafi hai
- Book : Dil Kay Ufuq Par (Pg. 51)
- Author : Ambareen Haseeb Amber
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
