ek hath pe aankhen rakkhi hain ek hath pe chehra hota hai

ik haath pe āñkheñ rakkhī haiñ ik haath pe chehrā hotā hai

har gaam madārī baiThe haiñ har vaqt tamāshā hotā hai

ab kaun yahāñ majzūb nahīñ bāzār meñ kyā maujūd nahīñ

irfān kī maalā biktī hai ilhām kā saudā hotā hai

apnī ḳhalvat meñ dhyān kahāñ ḳhāmoshī hai vijdān kahāñ

ik āñdhī ḳhaak uḌātī hai ik aag kā dariyā hotā hai

dil bahr samān āñkheñ raushan par rāhguzar bhī to dekho

ik tañg-nazar kī badlī ne andher machāyā hotā hai

kal jhuum ke bolī keñchuli-e-ilhād aqīde ke man se

ai riñd tujhe do mūñhoñ ne kyā jaam pilāyā hotā hai

har but ke aage sajde par zindīqī ko majbūr na kar

ye jehl-e-marātib āḳhir kis kāfir ko gavārā hotā hai

ham log pashemāñ fitrat haiñ dīvānoñ kī kab sunte haiñ

āñkhoñ vaale paḌh sakte haiñ dīvār pe likkhā hotā hai

ek hath pe aankhen rakkhi hain ek hath pe chehra hota hai

har gam madari baiThe hain har waqt tamasha hota hai

ab kaun yahan majzub nahin bazar mein kya maujud nahin

irfan ki mala bikti hai ilham ka sauda hota hai

apni KHalwat mein dhyan kahan KHamoshi hai wijdan kahan

ek aandhi KHak uDati hai ek aag ka dariya hota hai

dil bahr saman aankhen raushan par rahguzar bhi to dekho

ek tang-nazar ki badli ne andher machaya hota hai

kal jhum ke boli kenchuli-e-ilhad aqide ke man se

ai rind tujhe do munhon ne kya jam pilaya hota hai

har but ke aage sajde par zindiqi ko majbur na kar

ye jehl-e-maraatib aaKHir kis kafir ko gawara hota hai

hum log pasheman fitrat hain diwanon ki kab sunte hain

aankhon wale paDh sakte hain diwar pe likkha hota hai