ek hare KHat mein koi baat purani paDhna

ik hare ḳhat meñ koī baat purānī paḌhnā

kitnā mushkil hai kisī aañkh kā paanī paḌhnā

kuchh na kuchh sochnā bas sochnā yuuñ hī din bhar

aur phir raat meñ pariyoñ kī kahānī paḌhnā

ek hī chehre kī bauchhār hai qissa apnā

merī āñkhoñ se ise dushman-e-jānī paḌhnā

kuud jaanā tirī yādoñ ke samundar meñ phir

Dūbte Dūbte maujoñ kī ravānī paḌhnā

āḳhrī baar mujhe dekhnā jaate jaate

sūkhī āñkhoñ se mirā sail-e-ma.ānī paḌhnā

maiñ ne ik daur kā sāvan hai kiyā nazm yahāñ

tū kabhī aa ke mirī āñkhoñ kā paanī paḌhnā

ek hare KHat mein koi baat purani paDhna

kitna mushkil hai kisi aankh ka pani paDhna

kuchh na kuchh sochna bas sochna yun hi din bhar

aur phir raat mein pariyon ki kahani paDhna

ek hi chehre ki bauchhaar hai qissa apna

meri aankhon se ise dushman-e-jaani paDhna

kud jaana teri yaadon ke samundar mein phir

Dubte Dubte maujon ki rawani paDhna

aaKHri bar mujhe dekhna jate jate

sukhi aankhon se mera sail-e-maani paDhna

main ne ek daur ka sawan hai kiya nazm yahan

tu kabhi aa ke meri aankhon ka pani paDhna