ek hasin KHwab jo aankhon mein basa hai wo hai

ik hasīñ ḳhvāb jo āñkhoñ meñ basā hai vo hai

mujh se tanhā.ī meñ jo bol rahā hai vo hai

jab kabhī maiñ ne paḌhī umr-e-guzishta kī kitāb

ek saayā sā jo aahaT pe rukā hai vo hai

zindagī ne to kabhī kuchh na diyā ġham ke sivā

ishq ne mujh ko jo ik ruup diyā hai vo hai

merī qismat ke sitāre haiñ usī se raushan

chāñd ban kar jo mire dil meñ chhupā hai vo hai

maiñ vo ik jhiil ki jis kī koī manzil hī nahīñ

duur tak saath jo mere hī bahā hai vo hai

chhoḌ ke mujh ko sabhī lauT ga.e āḳhir-e-shab

saañs ban kar jo mire dil meñ rukā hai vo hai

ban ke ummīd jo chamkā thā vahī thā 'anjum'

aur abhī dard sā jo dil meñ uThā hai vo hai

ek hasin KHwab jo aankhon mein basa hai wo hai

mujh se tanhai mein jo bol raha hai wo hai

jab kabhi main ne paDhi umr-e-guzishta ki kitab

ek saya sa jo aahaT pe ruka hai wo hai

zindagi ne to kabhi kuchh na diya gham ke siwa

ishq ne mujh ko jo ek rup diya hai wo hai

meri qismat ke sitare hain usi se raushan

chand ban kar jo mere dil mein chhupa hai wo hai

main wo ek jhil ki jis ki koi manzil hi nahin

dur tak sath jo mere hi baha hai wo hai

chhoD ke mujh ko sabhi lauT gae aaKHir-e-shab

sans ban kar jo mere dil mein ruka hai wo hai

ban ke ummid jo chamka tha wahi tha 'anjum'

aur abhi dard sa jo dil mein uTha hai wo hai