ek isi baat pe phule na samae hum bhi

ik isī baat pe phūle na samā.e ham bhī

shukr sad shukr tumheñ yaad to aa.e ham bhī

mehrbāñ vo tire lahje se barastā sāvan

jis kī rim-jhim meñ baḌī der nahā.e ham bhī

log hairān haiñ kyuuñ dekh ke tum ko āḳhir

is tajassus meñ tumheñ dekhne aa.e ham bhī

muft ke mashvare ye tum bhī sambhālo apne

apnī mahfūz rakheñ qīmtī raa.e ham bhī

go bahut gahre haiñ DhūñDoge to mil jā.eñge

ho chuke 'sā.ima' ab shaam ke saa.e ham bhī

ek isi baat pe phule na samae hum bhi

shukr sad shukr tumhein yaad to aae hum bhi

mehrban wo tere lahje se barasta sawan

jis ki rim-jhim mein baDi der nahae hum bhi

log hairan hain kyun dekh ke tum ko aaKHir

is tajassus mein tumhein dekhne aae hum bhi

muft ke mashware ye tum bhi sambhaalo apne

apni mahfuz rakhen qimti rae hum bhi

go bahut gahre hain DhunDoge to mil jaenge

ho chuke 'saima' ab sham ke sae hum bhi