ek jafa-kar ne hasti se guzarne na diya

ik jafā-kār ne hastī se guzarne na diyā

vaa.e hasrat mujhe ro ro ke bhī marne na diyā

ho gayā ḳhatm mirā qissa-e-ġham aah ke saath

ik sahārā bhī koī bāni-e-shar ne na diyā

maiñ shab-e-dard milā kartā thā jis jā un se

phir kabhī saath usī rāh-guzar ne na diyā

kaaT dī raat taḌap kar jo marīz-e-ġham ne

aasrā us ko bhī ummīd-e-sahar ne na diyā

ai 'razā' shūmī-e-qismat kā gila kis se kareñ

jalva kab duur rahā saath nazar ne na diyā

ek jafa-kar ne hasti se guzarne na diya

wae hasrat mujhe ro ro ke bhi marne na diya

ho gaya KHatm mera qissa-e-gham aah ke sath

ek sahaara bhi koi bani-e-shar ne na diya

main shab-e-dard mila karta tha jis ja un se

phir kabhi sath usi rah-guzar ne na diya

kaT di raat taDap kar jo mariz-e-gham ne

aasra us ko bhi ummid-e-sahar ne na diya

ai 'raza' shumi-e-qismat ka gila kis se karen

jalwa kab dur raha sath nazar ne na diya