ek jagah hun phir wahan ek yaad rah jaane ke baad

ik jagah huuñ phir vahāñ ik yaad rah jaane ke baad

kis qadar paanī kisī dariyā meñ bah jaane ke baad

ik jagah ḳhud mujh ko apne sach pe shak sā paḌ gayā

pur-yaqīñ kitnā thā vo ik jhuuT kah jaane ke baad

shaam hai aur jaane vaalā din hai mere sāmne

ranj meñ huuñ merā saarā kaam rah jaane ke baad

hai yaqīñ mujh ko ki hai rahne ke qābil ye jahāñ

haañ magar kitnā ḳhas o ḳhāshāk bah jaane ke baad

ik na.ī tāmīr kā sochūñgā phir pahle mujhe

saaf karnī hai zamīñ ik shahr Dhah jaane ke baad

yuuñ huā phir maiñ ne us se kam ta.alluq kar liyā

us kī koī baat ik mushkil se sah jaane ke baad

ḳhud se bāteñ kar ke koī bojh halkā ho gayā

kuchh sukūñ aa jaa.e jaise zaḳhm bah jaane ke baad

soch le 'shāhīñ' use paanā ki khonā hai use

jā chukā hai vo tujhe ik baat kah jaane ke baad

ek jagah hun phir wahan ek yaad rah jaane ke baad

kis qadar pani kisi dariya mein bah jaane ke baad

ek jagah KHud mujh ko apne sach pe shak sa paD gaya

pur-yaqin kitna tha wo ek jhuT kah jaane ke baad

sham hai aur jaane wala din hai mere samne

ranj mein hun mera sara kaam rah jaane ke baad

hai yaqin mujh ko ki hai rahne ke qabil ye jahan

han magar kitna KHas o KHashak bah jaane ke baad

ek nai tamir ka sochunga phir pahle mujhe

saf karni hai zamin ek shahr Dhah jaane ke baad

yun hua phir main ne us se kam talluq kar liya

us ki koi baat ek mushkil se sah jaane ke baad

KHud se baaten kar ke koi bojh halka ho gaya

kuchh sukun aa jae jaise zaKHm bah jaane ke baad

soch le 'shahin' use pana ki khona hai use

ja chuka hai wo tujhe ek baat kah jaane ke baad