ek kahani jo sabhi ko wo sunata bhi nahin

ik kahānī jo sabhī ko vo sunātā bhī nahīñ

asl kirdār mire sāmne laatā bhī nahīñ

jaane lagtā huuñ to vo paañv pakaḌ letā hai

aur sitam ye hai ki siine se lagātā bhī nahīñ

le to aatā hai vo bāzār meñ har roz mujhe

par mirī ḳhūbiyāñ auroñ ko batātā bhī nahīñ

be-hunar kah ke pashemān to kartā hai magar

jaane kyā ramz hai jo mujh ko gañvātā bhī nahīñ

ek tasvīr se haTtī nahīñ āñkheñ merī

ek chehra hai mire sāmne aatā bhī nahīñ

mujh se ik ātish-e-vahshat kā dhuāñ uThtā hai

vo ki is sho’la-e-tābāñ ko bujhātā bhī nahīñ

zaḳhm aisā hai ki pāgal huā jaatā hai magar

apne hamrāh bahut der rulātā bhī nahīñ

ek kahani jo sabhi ko wo sunata bhi nahin

asl kirdar mere samne lata bhi nahin

jaane lagta hun to wo panw pakaD leta hai

aur sitam ye hai ki sine se lagata bhi nahin

le to aata hai wo bazar mein har roz mujhe

par meri KHubiyan auron ko batata bhi nahin

be-hunar kah ke pasheman to karta hai magar

jaane kya ramz hai jo mujh ko ganwata bhi nahin

ek taswir se haTti nahin aankhen meri

ek chehra hai mere samne aata bhi nahin

mujh se ek aatish-e-wahshat ka dhuan uThta hai

wo ki is sho’la-e-taban ko bujhata bhi nahin

zaKHm aisa hai ki pagal hua jata hai magar

apne hamrah bahut der rulata bhi nahin