ek kami hai jo khal rahi hai dost

ik kamī hai jo khal rahī hai dost

ḳhāmoshī jaañ meñ Dhal rahī hai dost

jab vo badlā to ye huā ehsās

merī duniyā badal rahī hai dost

thoḌī der aur baiTh mere paas

sun mirī jaañ nikal rahī hai dost

ḳhvāb aate haiñ lauT jaate haiñ

niiñd chhat par Tahal rahī hai dost

haa.e bas ek gul kī hasrat meñ

ruuh kāñTo pe chal rahī hai dost

ishq ke āḳhirī paḌāv meñ

zindagī merī pal rahī hai dost

maiñ bhī kitnā badal gayā dekho

tū bhī kitnā badal rahī hai dost

āñkheñ dariyāoñ sī bharī haiñ aur

niiñd palkoñ pe chal rahī hai dost

ab 'navāz' is tavīl raste kī

āḳhirī shaam Dhal rahī hai dost

ek kami hai jo khal rahi hai dost

KHamoshi jaan mein Dhal rahi hai dost

jab wo badla to ye hua ehsas

meri duniya badal rahi hai dost

thoDi der aur baiTh mere pas

sun meri jaan nikal rahi hai dost

KHwab aate hain lauT jate hain

nind chhat par Tahal rahi hai dost

hae bas ek gul ki hasrat mein

ruh kanTo pe chal rahi hai dost

ishq ke aaKHiri paDaw mein

zindagi meri pal rahi hai dost

main bhi kitna badal gaya dekho

tu bhi kitna badal rahi hai dost

aankhen dariyaon si bhari hain aur

nind palkon pe chal rahi hai dost

ab 'nawaz' is tawil raste ki

aaKHiri sham Dhal rahi hai dost