ek Khaali chand hi lab-e-ju rakhna tha

ik ḳhālī chāñd hī lab-e-jū rakhnā thā

us ke hijr kā ye bhī pahlū rakhnā thā

sab kā dāman motiyoñ se bharne vaale

merī aañkh meñ bhī ik aañsū rakhnā thā

sūraj karnā thā merī peshānī ko

is miTTī meñ ye bhī jaadū rakhnā thā

kis kī āñkheñ kahāñ kī āñkheñ harf huiiñ

patthar the to ḳhud par qaabū rakhnā thā

kiyā thā us ke naam kī lau ko raushan jab

diloñ meñ aks-e-ḳhirām-e-āhū rakhnā thā

jab hāsil lā-hāsil donoñ ek se the

phir ḳhud ko na asīr-e-man-o-tū rakhnā thā

yaad kā ḳhanjar utārnā thā siine meñ

der tak ik manzar ko ḳhushbū rakhnā thā

ik aalam se bhar kar us kī jholī 'tūr'

apnī hathelī par barg-e-hū rakhnā thā

ek KHali chand hi lab-e-ju rakhna tha

us ke hijr ka ye bhi pahlu rakhna tha

sab ka daman motiyon se bharne wale

meri aankh mein bhi ek aansu rakhna tha

suraj karna tha meri peshani ko

is miTTi mein ye bhi jadu rakhna tha

kis ki aankhen kahan ki aankhen harf huin

patthar the to KHud par qabu rakhna tha

kiya tha us ke nam ki lau ko raushan jab

dilon mein aks-e-KHiram-e-ahu rakhna tha

jab hasil la-hasil donon ek se the

phir KHud ko na asir-e-man-o-tu rakhna tha

yaad ka KHanjar utarna tha sine mein

der tak ek manzar ko KHushbu rakhna tha

ek aalam se bhar kar us ki jholi 'tur'

apni hatheli par barg-e-hu rakhna tha