ek KHwab chhan se TuT ke aankhon mein gaD gaya
ik ḳhvāb chhan se TuuT ke āñkhoñ meñ gaḌ gayā
itnā hañse ki chīḳh ke ronā bhī paḌ gayā
ye kis ne apnī Tiis varaq par utaar dī
ye kaun apne dil ko siyāhī se jaḌ gayā
ab to ḳhayāl-e-yār se hotā hai ḳhauf sā
chehra kisī kī yaad kā kitnā bigaḌ gayā
lahroñ kā shor tham gayā tūfān so ga.e
kashtī ke Dūbte hī samundar ujaḌ gayā
jab tak hamāre naam se vāqif huā jahāñ
tab tak hamāre naam kā patthar ukhaḌ gayā
kar to liyā hai dard kī lahroñ kā sāmnā
lekin hamāre zarf kā baḳhiya udhaḌ gayā
us ko Thahar ke dekhte hasrat hī rah ga.ī
vo daf.atan milā thā achānak bichhaḌ gayā
ek KHwab chhan se TuT ke aankhon mein gaD gaya
itna hanse ki chiKH ke rona bhi paD gaya
ye kis ne apni Tis waraq par utar di
ye kaun apne dil ko siyahi se jaD gaya
ab to KHayal-e-yar se hota hai KHauf sa
chehra kisi ki yaad ka kitna bigaD gaya
lahron ka shor tham gaya tufan so gae
kashti ke Dubte hi samundar ujaD gaya
jab tak hamare nam se waqif hua jahan
tab tak hamare nam ka patthar ukhaD gaya
kar to liya hai dard ki lahron ka samna
lekin hamare zarf ka baKHiya udhaD gaya
us ko Thahar ke dekhte hasrat hi rah gai
wo dafatan mila tha achanak bichhaD gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
