ek lamha-e-visal tha wapas na aa saka

ik lamha-e-visāl thā vāpas na aa sakā

vo vaqt kī misāl thā vāpas na aa sakā

har ik ko apnā haal sunāne se fā.eda

merā jo ham-ḳhayāl thā vāpas na aa sakā

shāyad mire firāq meñ ghar se chalā thā vo

zaḳhmoñ se pā.emāl thā vāpas na aa sakā

shāyad hujūm-e-sadma-e-furqat ke ghaao se

vo is qadar niDhāl thā vāpas na aa sakā

shāyad maiñ us ko dekh ke sab ko bhulā hī duuñ

us ko ye ehtimāl thā vāpas na aa sakā

kitne ḳhayāl ruup haqīqat kā pā ga.e

jo markaz-e-ḳhayāl thā vāpas na aa sakā

mujh ko mire vajūd se jo kar gayā judā

kaisā vo bā-kamāl thā vāpas na aa sakā

har dam 'ra.īs' vo to nazar ke hai sāmne

terā to ye ḳhayāl thā vāpas na aa sakā

ek lamha-e-visal tha wapas na aa saka

wo waqt ki misal tha wapas na aa saka

har ek ko apna haal sunane se faeda

mera jo ham-KHayal tha wapas na aa saka

shayad mere firaq mein ghar se chala tha wo

zaKHmon se paemal tha wapas na aa saka

shayad hujum-e-sadma-e-furqat ke ghao se

wo is qadar niDhaal tha wapas na aa saka

shayad main us ko dekh ke sab ko bhula hi dun

us ko ye ehtimal tha wapas na aa saka

kitne KHayal rup haqiqat ka pa gae

jo markaz-e-KHayal tha wapas na aa saka

mujh ko mere wajud se jo kar gaya juda

kaisa wo ba-kamal tha wapas na aa saka

har dam 'rais' wo to nazar ke hai samne

tera to ye KHayal tha wapas na aa saka