ek mah-ru se kal ki mulaqat bhi gai

ik māh-rū se kal kī mulāqāt bhī ga.ī

yuuñ mere dil se garmi-e-jazbāt bhī ga.ī

bāġh-e-dil-e-hazīn ko sarsabzgī kī chaah

be-faiz ab ke baar ye barsāt bhī ga.ī

raqs-e-junūñ meñ mahv the ham shaam se magar

irfān-e-zāt bhī na huā raat bhī ga.ī

saffāk zehniyat ko milā jab se eqtidār

amn-o-sukūñ kī mulk se bohtāt bhī ga.ī

piine ke baad aql salāmat na rah sakī

is kashmakash meñ izzat-e-sādāt bhī ga.ī

qaabū karegā kaun jarā.em ko ab yahāñ

mulkī adālatoñ se to haq baat bhī ga.ī

ab kaun merī bhuuk ko sufreh atā kare

hisse meñ jo thī mere vo ḳhairāt bhī ga.ī

sīrat ko kaun pūchhe hai sūrat ke sāmne

chaukhaT se ik ġharīb kī bārāt bhī ga.ī

'as.ad' zarā sañbhāl ke kholā karo zabāñ

pachhtāoge bahut hī agar baat bhī ga.ī

ek mah-ru se kal ki mulaqat bhi gai

yun mere dil se garmi-e-jazbaat bhi gai

bagh-e-dil-e-hazin ko sarsabzgi ki chah

be-faiz ab ke bar ye barsat bhi gai

raqs-e-junun mein mahw the hum sham se magar

irfan-e-zat bhi na hua raat bhi gai

saffak zehniyat ko mila jab se eqtidar

amn-o-sukun ki mulk se bohtat bhi gai

pine ke baad aql salamat na rah saki

is kashmakash mein izzat-e-sadat bhi gai

qabu karega kaun jaraem ko ab yahan

mulki adalaton se to haq baat bhi gai

ab kaun meri bhuk ko sufreh ata kare

hisse mein jo thi mere wo KHairaat bhi gai

sirat ko kaun puchhe hai surat ke samne

chaukhaT se ek gharib ki baraat bhi gai

'asad' zara sanbhaal ke khola karo zaban

pachhtaoge bahut hi agar baat bhi gai