ek manzar-e-ranai aafaq mein har su hai

ik manzar-e-ra.anā.ī āfāq meñ har sū hai

tāroñ meñ tirā jalva phūloñ meñ tirī bū hai

chāhā thā ki apne ko ik yaar zarā dekhūñ

dekhā to yahī dekhā ai dost tū hī tū hai

sajde meñ rahegā sar jo chāhe sitam kar le

terī jo vo aadat hai apnī bhī yahī ḳhū hai

ik ālam-e-hairat meñ Duubā huā rahtā huuñ

allah re mirā aalam aalam meñ tū hī tū hai

dīvāna banāyā hai kyoñ us kī mohabbat ne

ai be-ḳhabar-e-duniyā duniyā ram-e-āhū hai

jannat ke tasavvur kī is vaqt kahāñ fursat

ra.anā.i-e-sāqī hai sabza hai lab-e-jū hai

insān kā dil kyā hai duniyā-e-havādis meñ

TuuTā huā taarā hai Tapkā huā aañsū hai

ek manzar-e-ranai aafaq mein har su hai

taron mein tera jalwa phulon mein teri bu hai

chaha tha ki apne ko ek yar zara dekhun

dekha to yahi dekha ai dost tu hi tu hai

sajde mein rahega sar jo chahe sitam kar le

teri jo wo aadat hai apni bhi yahi KHu hai

ek aalam-e-hairat mein Duba hua rahta hun

allah re mera aalam aalam mein tu hi tu hai

diwana banaya hai kyon us ki mohabbat ne

ai be-KHabar-e-duniya duniya ram-e-ahu hai

jannat ke tasawwur ki is waqt kahan fursat

ranai-e-saqi hai sabza hai lab-e-ju hai

insan ka dil kya hai duniya-e-hawadis mein

TuTa hua tara hai Tapka hua aansu hai