ek mauja-e-gul-bu ze-gulistan-e-adam hum

ik mauja-e-gul-bū ze-gulistān-e-adam ham

ik nuqta haiñ mauhūm ze-duniyā-e-qalam ham

duniyā meñ kashish dī koī mohlat bhī to dete

ik lamha kī fursat hai ki gul-barg pe nam ham

jiite bhī rahe to bhī adam hī ke barābar

duniyā-e-mah-o-mehr meñ ik zarre se kam ham

pā-kobī-e-zohra huā afsāna-e-dī-roz

hai ġhalġhala aflāk pe haiñ ahl-e-himam ham

kī aap ne duniyā to atā ham ko bahar-taur

kuchh aisī kamī hai ki haiñ mohtāj-e-karam ham

kyā taur zamāne ke samajh leñ yahī 'rizvāñ'

jab koī na apnā sā rahā aur na ham ham

ek mauja-e-gul-bu ze-gulistan-e-adam hum

ek nuqta hain mauhum ze-duniya-e-qalam hum

duniya mein kashish di koi mohlat bhi to dete

ek lamha ki fursat hai ki gul-barg pe nam hum

jite bhi rahe to bhi adam hi ke barabar

duniya-e-mah-o-mehr mein ek zarre se kam hum

pa-kobi-e-zohra hua afsana-e-di-roz

hai ghalghala aflak pe hain ahl-e-himam hum

ki aap ne duniya to ata hum ko bahar-taur

kuchh aisi kami hai ki hain mohtaj-e-karam hum

kya taur zamane ke samajh len yahi 'rizwan'

jab koi na apna sa raha aur na hum hum