اک موجۂ گل بو ز گلستان عدم ہم

اک موجۂ گل بو ز گلستان عدم ہم

اک نقطہ ہیں موہوم ز دنیائے قلم ہم

دنیا میں کشش دی کوئی مہلت بھی تو دیتے

اک لمحہ کی فرصت ہے کہ گلبرگ پہ نم ہم

جیتے بھی رہے تو بھی عدم ہی کے برابر

دنیائے مہ و مہر میں اک ذرے سے کم ہم

پا کوبیٔ زہرہ ہوا افسانۂ دی روز

ہے غلغلہ افلاک پہ ہیں اہل ہمم ہم

کی آپ نے دنیا تو عطا ہم کو بہر طور

کچھ ایسی کمی ہے کہ ہیں محتاج کرم ہم

کیا طور زمانے کے سمجھ لیں یہی رضواںؔ

جب کوئی نہ اپنا سا رہا اور نہ ہم ہم