ek musibat ye hai ke dil mera barham bhi hai

ik musībat ye hai ke dil mirā barham bhī hai

aur is dil meñ tirī yaad kā mātam bhī hai

faisla aap ko karnā hai ki kyā chunñā hai

dāman-e-vaqt meñ aañsū bhī haiñ marham bhī hai

mujh se milne kī ḳhushī mujh ko bahut hai lekin

ik taraf tum se bichhaḌne kā mujhe ġham bhī hai

sard hai raat december kā mahīna aur maiñ

aur is par ye tire hijr kā mausam bhī hai

ruup aurat ke bahut haiñ kise mālūm nahīñ

hai kahīñ hiñda banī aur kahīñ mariyam bhī hai

ek maiñ hī nahīñ niklā huuñ tumhāre dil se

ham sā ik ḳhuld se niklā huā aadam bhī hai

kaise samjhe koī chehre ke ta.assur se tujhe

lab pe muskān bhī hai aañkh meñ shabnam bhī hai

tū akelā to nahīñ ishq ke hāthoñ barbād

jaisā terā vahī 'rizvān' kā aalam bhī hai

ek musibat ye hai ke dil mera barham bhi hai

aur is dil mein teri yaad ka matam bhi hai

faisla aap ko karna hai ki kya chunna hai

daman-e-waqt mein aansu bhi hain marham bhi hai

mujh se milne ki KHushi mujh ko bahut hai lekin

ek taraf tum se bichhaDne ka mujhe gham bhi hai

sard hai raat december ka mahina aur main

aur is par ye tere hijr ka mausam bhi hai

rup aurat ke bahut hain kise malum nahin

hai kahin hinda bani aur kahin mariyam bhi hai

ek main hi nahin nikla hun tumhaare dil se

hum sa ek KHuld se nikla hua aadam bhi hai

kaise samjhe koi chehre ke tassur se tujhe

lab pe muskan bhi hai aankh mein shabnam bhi hai

tu akela to nahin ishq ke hathon barbaad

jaisa tera wahi 'rizwan' ka aalam bhi hai