ek na ek din jo kabhi mujhse mohabbat hogi
ek na ek din jo kabhi mujhse mohabbat hogi
Arzoo Ashraf Sultanpuri
MORE BYArzoo Ashraf Sultanpuri
ik na ik din jo kabhī mujh se mohabbat hogī
dekh lenā tumheñ ḳhud apne pe hairat hogī
jaane kab ā.eñge vo zaḳhm-e-jigar par hañsne
jaane kis roz mire dard meñ barakat hogī
rashk-angez hai firdaus tirī āñkhoñ par
is se behtar bhī bhalā kyā koī jannat hogī
ek bas terī talab hai tujhe pā luuñ jānāñ
phir kisī shai kī kahāñ mujh ko zarūrat hogī
shikva-e-ishq pe itne bhī pareshān haiñ kyoñ
aap apne haiñ to lāzim hai shikāyat hogī
ek na ek din jo kabhi mujh se mohabbat hogi
dekh lena tumhein KHud apne pe hairat hogi
jaane kab aaenge wo zaKHm-e-jigar par hansne
jaane kis roz mere dard mein barakat hogi
rashk-angez hai firdaus teri aankhon par
is se behtar bhi bhala kya koi jannat hogi
ek bas teri talab hai tujhe pa lun jaanan
phir kisi shai ki kahan mujh ko zarurat hogi
shikwa-e-ishq pe itne bhi pareshan hain kyon
aap apne hain to lazim hai shikayat hogi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
