ek nae Dhang se tartib de maiKHane ko

ik na.e Dhang se tartīb de maiḳhāne ko

sāqiyā der na kar toḌ de paimāne ko

apnī qismat meñ kahāñ vasl kī ghaḌiyāñ ai dost

ye ġhanīmat hai ki aa jaate haiñ maiḳhāne ko

ab chalegā na tirī mast nazar kā jaadū

surḳhiyāñ ḳhuun kī darkār haiñ afsāne ko

sahte aa.e haiñ kuchh is tarah se duniyā ke sitam

jaise baiThe haiñ har ik zulm ke sah jaane ko

ik zarā sabr tirī zulfoñ ke saaye ke tale

ā.eñge ham bhī dil-e-zār ke bahlāne ko

muskurā ai ġham-e-daurāñ ki vo daur aa pahuñchā

kākul-e-zīst haiñ ḳhud aap sañvar jaane ko

tang aa kar ġham-o-ālām jahāñ se hasrat

aa ga.e haiñ tirī mahfil meñ ġhazal gaane ko

ek nae Dhang se tartib de maiKHane ko

saqiya der na kar toD de paimane ko

apni qismat mein kahan wasl ki ghaDiyan ai dost

ye ghanimat hai ki aa jate hain maiKHane ko

ab chalega na teri mast nazar ka jadu

surKHiyan KHun ki darkar hain afsane ko

sahte aae hain kuchh is tarah se duniya ke sitam

jaise baiThe hain har ek zulm ke sah jaane ko

ek zara sabr teri zulfon ke saye ke tale

aaenge hum bhi dil-e-zar ke bahlane ko

muskura ai gham-e-dauran ki wo daur aa pahuncha

kakul-e-zist hain KHud aap sanwar jaane ko

tang aa kar gham-o-alam jahan se hasrat

aa gae hain teri mahfil mein ghazal gane ko