ek pari ka phir mujhe shaida kiya

ik parī kā phir mujhe shaidā kiyā

'ishq ne phir mufsida barpā kiyā

aaj phir us shoḳh ne fuqarā kiyā

va.ada-e-imroz bhī fardā kiyā

ḳhūn-e-nāhaq ik musalmāñ kā kiyā

kyā ġhazab o shoḳh-e-be-parvā kiyā

dil ko maa.il sho.ala-rūoñ kā kiyā

dīn-e-zardashtī ko phir ahyā kiyā

abr aksar us baras barsā kiyā

kyā tatabbo dīda-e-tar kā kiyā

kyuuñ ajal kyā tujh ko bhī maut aa ga.ī

is qadar aane meñ kyuuñ arsa kiyā

kaan kī bijlī jo yaad aa.ī tirī

barq ke mānind maiñ taḌpā kiyā

vo kaf-e-pā-e-hinā.ī kar ke yaad

hijr kī shab eḌiyāñ ragḌā kiyā

us ko bhī sakta huā dekh ā.īna

der tak hairat se muñh dekhā kiyā

ḳhaak chhānī muddatoñ tinke chune

kyā kahūñ is 'ishq meñ kyā kyā kiyā

kal na pāoge hameñ kahiyo safīr

aaj aane meñ agar hiila kiyā

vaañ hue missī se lab un ke kabūd

piiT kar muñh ham ne yaañ niilā kiyā

tab uThe haiñ un butoñ ke ham se naaz

jab kalejā apnā patthar kā kiyā

hai girah mū-e-kamar kī nāf-e-yār

fikr ne apne ye uqda vā kiyā

laag paidā kar ke ab jallād se

jaan khoī haa.e dil ne kyā kiyā

dañḌ pe bāñdhā ham ne joshan kī tarah

harz-e-jāñ qātil tirā chhallā kiyā

mujh ko majnūñ kar diyā mānind-e-qais

sehr kuchh aur ġhairat-e-lailā kiyā

mā'rka meñ 'ishq ke sarkā na paañv

aabrū ko jaan ko sadqa kiyā

soz-e-furqat ne sharārat mujh se kī

haizam-e-tar kī tarah sulgā kiyā

ai shab-e-furqat na kar mujh par 'azāb

maiñ ne terā muñh nahīñ kaalā kiyā

zulf-e-jānāñ jis ne dekhī ek baar

dil se apne 'umr bhar uljhā kiyā

is musībat se shab-e-furqat kaTī

paañv piiTe aah kī naala kiyā

'ishq afshān-e-jabīn-e-yār meñ

ḳhaak chhalnī kī tarah chhānā kiyā

thā munāsib tark-e-ishq-e-yār 'rind'

aap ne ansab kiyā aulā kiyā

ek pari ka phir mujhe shaida kiya

'ishq ne phir mufsida barpa kiya

aaj phir us shoKH ne fuqara kiya

wada-e-imroz bhi farda kiya

KHun-e-nahaq ek musalman ka kiya

kya ghazab o shoKH-e-be-parwa kiya

dil ko mail shoala-ruon ka kiya

din-e-zardashti ko phir ahya kiya

abr aksar us baras barsa kiya

kya tatabbo dida-e-tar ka kiya

kyun ajal kya tujh ko bhi maut aa gai

is qadar aane mein kyun arsa kiya

kan ki bijli jo yaad aai teri

barq ke manind main taDpa kiya

wo kaf-e-pa-e-hinai kar ke yaad

hijr ki shab eDiyan ragDa kiya

us ko bhi sakta hua dekh aaina

der tak hairat se munh dekha kiya

KHak chhani muddaton tinke chune

kya kahun is 'ishq mein kya kya kiya

kal na paoge hamein kahiyo safir

aaj aane mein agar hila kiya

wan hue missi se lab un ke kabud

piT kar munh hum ne yan nila kiya

tab uThe hain un buton ke hum se naz

jab kaleja apna patthar ka kiya

hai girah mu-e-kamar ki naf-e-yar

fikr ne apne ye uqda wa kiya

lag paida kar ke ab jallad se

jaan khoi hae dil ne kya kiya

danD pe bandha hum ne joshan ki tarah

harz-e-jaan qatil tera chhalla kiya

mujh ko majnun kar diya manind-e-qais

sehr kuchh aur ghairat-e-laila kiya

ma'rka mein 'ishq ke sarka na panw

aabru ko jaan ko sadqa kiya

soz-e-furqat ne shararat mujh se ki

haizam-e-tar ki tarah sulga kiya

ai shab-e-furqat na kar mujh par 'azab

main ne tera munh nahin kala kiya

zulf-e-jaanan jis ne dekhi ek bar

dil se apne 'umr bhar uljha kiya

is musibat se shab-e-furqat kaTi

panw piTe aah ki nala kiya

'ishq afshan-e-jabin-e-yar mein

KHak chhalni ki tarah chhana kiya

tha munasib tark-e-ishq-e-yar 'rind'

aap ne ansab kiya aula kiya