ek phareri jo tera KHak-basar leta hai

ik pharerī jo tirā ḳhāk-basar letā hai

thaam jibrīl-e-amīñ apnā jigar letā hai

saath apne koī asbāb-e-safar letā hai

to faqīr us ghaḌī sar zaanū pe dhar letā hai

chheḌ-chhāḌ apne uḌā kaun sake ai qibla

barq se daam koī musht-e-sharar letā hai

dekhiye kyā ho chale jaao miyāñ apnī raah

kaun yaañ ham se ġharīboñ kī ḳhabar letā hai

bāġhbāñ kā ye nahīñ jurm nasīb apne ki vo

chhāñT kar sab meñ pakaḌ merī kamar letā hai

koī sarkār junūñ kī nahīñ lāzim naa.eb

kaam jitne haiñ vo sab aap hī kar letā hai

kah liye kyuuñ na ho sabze ki suḳhan merā siikh

dāya-e-abr-e-bahārī ke hunar letā hai

sīna-e-naḳhl se aatī hai ubal duudh kī dhaar

khīñch is kā jo koī tifl tabar letā hai

hove parlok udaybhān to lāla-ghanshām

un ke phukne ke liye mol agar letā hai

naunihālān-e-chaman ko ho bhalā kyūñkar chain

toḌ gul un ke koī koī samar letā hai

un kī qāzeñ bhī tarāna ye sunā jaatī haiñ

ki tabar letā tabar letā tabar letā hai

is zamīñ meñ vo hai ik baaġh lagā ai 'inshā'

jo ki tuubā kī bhī choTī ko kutar letā hai

ek phareri jo tera KHak-basar leta hai

tham jibril-e-amin apna jigar leta hai

sath apne koi asbab-e-safar leta hai

to faqir us ghaDi sar zanu pe dhar leta hai

chheD-chhaD apne uDa kaun sake ai qibla

barq se dam koi musht-e-sharar leta hai

dekhiye kya ho chale jao miyan apni rah

kaun yan hum se gharibon ki KHabar leta hai

baghban ka ye nahin jurm nasib apne ki wo

chhanT kar sab mein pakaD meri kamar leta hai

koi sarkar junun ki nahin lazim naeb

kaam jitne hain wo sab aap hi kar leta hai

kah liye kyun na ho sabze ki suKHan mera sikh

daya-e-abr-e-bahaari ke hunar leta hai

sina-e-naKHl se aati hai ubal dudh ki dhaar

khinch is ka jo koi tifl tabar leta hai

howe parlok udaybhan to lala-ghansham

un ke phukne ke liye mol agar leta hai

naunihaalan-e-chaman ko ho bhala kyunkar chain

toD gul un ke koi koi samar leta hai

un ki qazen bhi tarana ye suna jati hain

ki tabar leta tabar leta tabar leta hai

is zamin mein wo hai ek bagh laga ai 'insha'

jo ki tuba ki bhi choTi ko kutar leta hai