ek ruThne ki hum ko ada tak nahin aai

ik rūThne kī ham ko adā tak nahīñ aa.ī

dil TuuT gayā aur sadā tak nahīñ aa.ī

rāhoñ pe charāġhoñ ko sajāyā hī nahīñ aaj

aaj āñdhī to kyā bād-e-sabā tak nahīñ aa.ī

kyā māñgnā thā ham ko bhalā aisā ki is baar

haath uTThe magar lab pe duā tak nahīñ aa.ī

ġhairoñ ne vafā kī to bahut dukh huā ham ko

apnoñ se hameñ bū-e-vafā tak nahīñ aa.ī

pyāse rahe kitne hī mirī pyaas ke baa.is

bārish to bahut duur ghaTā tak nahīñ aa.ī

ek ruThne ki hum ko ada tak nahin aai

dil TuT gaya aur sada tak nahin aai

rahon pe charaghon ko sajaya hi nahin aaj

aaj aandhi to kya baad-e-saba tak nahin aai

kya mangna tha hum ko bhala aisa ki is bar

hath uTThe magar lab pe dua tak nahin aai

ghairon ne wafa ki to bahut dukh hua hum ko

apnon se hamein bu-e-wafa tak nahin aai

pyase rahe kitne hi meri pyas ke bais

barish to bahut dur ghaTa tak nahin aai